-
Scumiziando
de matina bonora, métare le polpe a moja so aqua fresca par 24 ore,
canbiando l'aqua ogni 3-4 ore
-
Passą eltenpo, tajare
el bacalą a sbrise picole picole e curarlo par ben, che no ghe
resta gnanca l'onbra de on spin
-
El
dģ dopo, tajare fine le zeole, métarle so na bela pignata grande (ga
da starghe tuti i ingredienti ca ghemo dito) e farle sofegare on
fią par volta, a fogo lento fin che le deventa trasparente
-
Butarghe
drento el bacalą e farlo 'ndare a fogo lento smissiando par zinque
minuti
-
Schiciare
le patatine fin che le xe oncora drento sol sacheto, in modo che le
deventa squasi pólvare. (Uno d'i tri sachi schiciarlo manco, che i
tochiti resta pi granditi)
-
In
pignata zontare al bacalą le patatine e la pana, po' smissiare de
continuo fin che no vien fora on bel paston mņrbio e cremoso
-
Ala
fine butarghe drento la noce moscata e anca el pevaronzin e
smissiare ben
-
Métare
tuto so na tecia da forno (de vero o de porcelana, xe instesso, ma
no de fero)
-
Sgualivare
par ben co on sculiero de legno e sparpajarghe dessora el pan gratą,
senza sparagnare
-
Métare
in forno za caldo e fare gratinare. No serve cotura, basta solo che
el pan deventa belo incolorio.
-
Servire
ben caldo, na bela feta a testa, stando atenti che prima no sia sta
magną altro: el xe on bocon che ...ingossa par ben. Na specialitą
da lecarse i bafi e da fare bis, se staltri ga vu creanza
