Asagnete de verdure
                 

_________________________________________  torna indrio

          

Par quatro che magna

1 confezion da 2 eti e mezo de asagnete al'ovo
1 bela melanzana grossa
2 bei zucoliti
2 carote
1/2 zeola
1 ganba de sèlino (no le foje...)
2 spighi de ajo
3 sculieri de oio stravergine de oliva
10 fojete de rucola o de basalìco
sale e pévaro

         Se fa cussì:

  1. Fare scaldare so na paela l'oio co l'ajo, che no'l fritega;

  2. Cavàre l'ajo, tajare a cubetini tute le verdure e butarle so la paela revoltandole co on sculiero de legno; le ga da stare sol fogo 7-8 minuti, bagnà co aqua calda e on fià de dado e justà de sale e pévaro;

  3. Cusinare le asagne e cavarle on fià pì al dente;

  4. Butare le asagnete so la paela co le verdure e farle saltare par on minuto, smissiando pian pianelo;

  5. Ronpare co le man al'ingrosso le foje de rucola o de basalìco e, prima de cavare le asagne dala paela, smissiarle insieme, in pressa;

  6. Se magna caldo de bojo co na bela infromajada.