Asagnete co i bisi
                 

_________________________________________  torna indrio

          

Par quatro che magna

3 eti de asagnete al'ovo (se le xe fate in casa xe mejo)
4 eti de bisi frischi (va ben anca du bussoloti)
1 zeola
2 spighi de ajo
6 sculieri de oio stravergine de oliva
pévaro e sale
du sculiarini de polvare de dado vegetale (o 1 dado)

         Se fa cussì:

  1. Se dòpara na bela paela larga e fonda, che la gabia el cuercio

  2. Tajare fina la zeola e metarla in desfrito insieme co oio e ajo;

  3. Cavàre l'ajo e butare in paela i bisi, insieme co mezo goto de aqua co drento, siolto, metà del dado;

  4. Assare che i bisi se cusina 5 minuti ( s'i xe de scatola, no ocore);

  5. Butare in paela anche le asagnete, cussì come che le xe, diretamnte dala scatola;

  6. Incuerciare la paela e dopo du minuti - quando che le asagne se gavarà inmorbidie - co na forcheta se pole destrigare i rizi e scumiziare a smissiarle;

  7. Cuerzare e assare che se cusina, stando ben atenti che no se taca tuto: par questo ocore, pian pianelo, zontarghe calche sculiero de aqua col dado siolto e smissiare;

  8. Dopo diese minuti xe pronto: le asagnete sarà al dente e le gavarà on gusto ...da sbalo, altro che cote in aqua!
 P.S: Sta maniera de cusinare (la va ben anca co i spaghiti, ma co la roba fata in casa la xe on spetacolo) se pole dopararla col condimento che se vole: co i funghi, col pesse, ec. La pasta, dopo cota, la vien scureta, parché la ciapa colore dal condimento, fin che la se cusina...