Alici marinā
antipasto                 

_________________________________________  torna indrio

          

Par quatro che magna

Na vintena de alici, fresche che le parla...
2 limuni
1 spigo de ajo
1/2 zeola
3 sculieri de aseo (chi che vole)
1 sculiero de parsėnbolo tridā fin
pévaro in gran e sale
oio stravergine de oliva

         Se fa cussė:

  1. Se ciapa le pessarčle, se ghe cava la testa, le buele e anca el spin (ga da vegnere du bei filetini; po' lavarle par ben e sgiozarle

  2. Destirare i fileti uno in parte a staltro so na bela tecia larga (tipo quele da forno pa'l pasticio...)

  3. Tajāre fina come on velo la zeola e l'ajo e sparpajarli dessora del pesse

  4. Strucare i limuni e butare el sugo sol pesse che'l ga da vegnere pena querto; chi che vole pole métarghe insieme anca l'aseo

  5. Spolvarare col parsėnbolo e co na passāda de pévaro masenā sol'ongia

  6. Qučrzare co la pelicola trasparente fasendoghe sete-oto busiti co on stecadente e métare in frigo par 3 ore

  7. Cavāre, sgiozāre e sugare par ben le pessarele, butando via tuto el pocio

  8. Métarle so on vassoieto, ben destirā, passarghe on fileto de oio, salare apena e - a chi che piase, ma no xe obligatorio - spolvarare oncora col pévaro

  9. Presentare in tola co dele scorzete de naranza spanpanā in quā e in lā sora le alici

  10. Magnare tolendo su co on stecadente so na man e del pan biscoto so staltra
Notesine: le ore de marinadura le xe variabile, a seconda dela grosseza dele bestiole. Sta riceta va ben anca par le aciughe (3-4 ore) e par le sardele (almanco 6-7 ore). In frigo, querte de oio, le dura on paro de dė, ma la so morte xe magnarle in presteza. Assāndole marinare manco se sente depė el gusto del pesse fresco.