tuta Europa, e la "Butik del pecoraro", fromajo e saladi par tuti i gusti. A Norcia a ghemo fato tapa, ospità a pagamento dal'albergo Grotta Azzurra e dal ristorante Granaro del Monte e da qua partirà tuti i nostri giri.

NORCIA: destirà on fià in calare e contornà da na mura alta e solida, tirà da festa, piolià come na bela sposeta, la varda verso la valata de Santa Scolastica tegnendo ala sinistra el cao ocidentale d'i monti Sibilini e ala destra e de drio le alture dela Valnerina. El paese xe picolo   ( poco pì de quatromila àneme) e no semo riussìi a savere se la zente del luogo la mormora, ma de sicuro ghemo visto che'l xe on spetacolo. Lustrà drento e fora, co le viete strete che le sa da salado a ogni canton e le pare còrare tute verso la piaza che la xe de quele da stanparse so la memoria. Du monuminti inportanti: la statua de S. Benedeto, protetore de

Na trupa - stavolta la pì fornìa - de oto cai de bestie, co na oja de spedalare che la brusa. On protonzin scaenà, armà fin ai denti de bicicrete da rànpego, alenà a sangue sui Coli Euganei, prunti a rispondare al'urlo de batalia: 'Nnamo! Cossa altro podea servire par na stimana da ricordare?

No serve tante parole. Bastarìa ver visto la boca spalancà d'i nostri oto turisti ala vista del luogo par dire la maraveja che'l xe. Na pianura de domila etari a 1400 metri de alteza co on paeseto incrucà in alto a fare la guardia. On posto par otozento vache e setemila piègore, co i piegorari che magna lentichie, le pì famose e pì bone del mondo. ‘Ndare via da chì ghe vole corajo...