" De solito la zente no fa caso

   a quelo che ghe sujerisse el naso,

   epure anca elo xe inportante

   e a scoltarlo el ne conta tante.

 

 

          Fortuna che, però, chi che fa aria

          el sùbiola cofà na camardaria

          e alora chi che core par dedrio

          el pole starghe arente al bendedìo. "

 

  

   Sior rajoniere ca parlè cussita,

   sio vu che quando ca 'ndè  su in salita

   a ve spenzì co l'arfio del pantazo?

   Xe ora de finirla co l'andazo,

 

 

          parché el gas che vu ciamè in ajuto

          a va finire che l'inquina tuto.

      " A no xe vero gnente, ignoranti,

 

   

   la xe natura, e ’a va tratà co i guanti;

   a no saì che quelo che se magna

   el vien cressù co'a merda, in canpagna?"