In mezo a chel bosco, dove che ghea scu- mizià oncora a saverghe profumo da cicramini. a jera ora de supa e no bisognava fare spetare massa el stómego. Renzo no voléa pi darghe el panin a Ciano, ris-ciando la vita parché elo el xe bituà che có xe ora i ghe ne porta, senò no ’l paga. El posto se adatava benon, a l’onbra, co calche spiaresuòla de sole che passava in mezo a le rame d’i pini. E po’ a se sentìvino ormai sicuri, parché poco pi in zo se vedéa za la provinciale che mena a San Francesco.

   Rivà zo so la strada sfalto, dopo ’ver fato el “salto de on metro” senza gnan védarlo - parché no ’l ghe jera - se ghemo inmediatamente messo a spedalare verso San Francesco. Lì ghemo bevù on cafè, Tomaso on tè parché el xe delicato e Ciano on’onbra, parché el xe on inbriagon. On sior sentà a ’nantro tavolin che ’l parea on armaro a quatro portele, da grasso che ’l  jera, el ghe n’à bevù ’na stréja, sol fratenpo. Semo sta lì el tenpo de sto cafè, po’ via, in dissesa verso Roverè Veronese. La jera ’na strada tuta sfaltà, ma deserta, co ’na pendenza senza fine e co ’na specialità: i cartei stranbi. Uno el diséa che par de lì se ’ndasea a SCIOPERI, messo lì de sicuro dai comunisti de la CGIL, ch’ i xe gajardi so ’ste robe. Poco pi in zo on segnale

Convinto Renzo, anca par l’intervento de Tomaso, Ciano ga magnà de gusto, mejo de tute le porcarie cinese che ’l magna a Pechino. A se ghìvino fermà in dissesa, tacà a ’na curva a gùnbio che svoltava a destra e a ’na crosareta co on sentiero belo drito e streto che continuava sol bosco. El faséa oja. ’Pena magnà el panin de mortadela, Ciano xe ’ndà in esplorazion del sentiereto. “El va so la sfalto - el dise tornando indrìo on fià spasemà - ma ’l xe pericoloso: ghe xe on salto de on metro…”. “Alora se va par lì - salta fora Renzo”. E xe d’acordo tuti. No Ciano...

in barufa co le indicazion de la nostra cartina: VANTI, el diséa, ma noantri a ghìvino da tirare driti par la strada maestra. Pi in zo ghemo dovesto fare ’na riunion par stabilire se e quando svoltare par traversare el valon che cognava scavalcare par dopo rivare a Bosco. El Mestro ga vardà la cartina e el ga mandà Renzo in perlustrazion volontaria, a zercare on tale incrocio. Par mazzare el tenpo, intanto, visto che in parte a la strada ghe jera on bel boscheto e che ’l so pantazzo el rumegava za da almanco mez’ora, elo se ga apartà, par controlare se sol boscheto ghe fusse d’i cicramini. La carta adata el la ghea, no quela geografica, però. Ga bastà tri menuti. Ma sintiemo elo, dopo aver fato: “Che belo, tusi. El boscheto xe pien de cicramini che spande on profumo ca no ve digo. Adesso xe mejo ca ’ndemo via, che no ghe sa pi da cicramino. Ma me so’ libarà chel tanto che me xe vegnù da fare ’na poesia. Ve la digo? Col profumo d’i cicramini la mente se perde e, intanto, dal culo xe cascà on par de merde. Bela e piena de sentimento. “Xe mejo ca partiemo inmediatamente - dise intanto Renzo, tornà da la so perlustrazion - vedarì che roba”.