Come ca jèrino restà d’acordo col paron de l’albergo, có ghemo prenotà, anca stamatina el sole s-cioca de bonora. L’arieta xe fina, ma a nissuni ghe vien in mente de vestirse massa, par via che ’pena partìi toca sùito on strapo in salita de pi de on chilometro, che no se pole schivare, parché ocore fare rifornimento vìvari. Su, alora, e po’ zo fin dal frutarolo e po’ da la fornareta missitàlia, dove che Giuliano voléa ’ndare drento solo elo. Stavolta, inpenìi i zaini co on pomo e on panin a testa (a Renzo ghe tocava de portare anca la roba de Ciano, bituà in Tailandia che se rancia tuto el

  Par via che traversando tuta la Contrà de sicuro la jera la strada sbalià, el Mestro - adeto a catarghe l’àngolo so le situazion de viajo incerte - el decide de domandare informazion. El ga pensà sùito al sior co la barba da profeta che, fra le altre, el continuava a tontonarghe a ’na tosatela: “Non dovresti mai - el ghe tegnéa dito - rinunciare alla tua intima essenza a sicuro discapito del tuo io, per cercare un opinabile sicuro approdo…”; “Scusate, disturbo?...”, el lo interonpe el Mestro. “Sì… - el dise el professore,

sherpa col  lionfante), invezze de tornare su - salita da odio - fin in centro, decidemo de ciapare la sfalto che va in zo, po’ la svolta a sinistra, seguendo el cartelo “Erbezzo”, e po’ a destra. On fià de salita anca qua, fin a la crosara, ma tuta ’nantra roba. A ghìvino deciso, so la riunion de la sera prima co la comission tènica, de scavalcare ’na montagna passando par la Contrà Scàndole: senpre visto el cartelo, ma mai la Contrà! Se tratava de ciapare ’na stradela sfaltà che pontava in suso a destra, calche chilometro dopo la crosara ca ghemo dito. Da lì a Scàndole ga volesto poco. Ghe jera on bosco inprofumà de cicramino, come ’na sposeta de quele che se cata vestìe da festa, a la doménega, davanti la porta de la cesa. La contrà la ghemo catà, picola, senza gnente de particolare, a parte el silenzio roto solo da le ciàcole de on sior co ’na barba da profeta.

parché de sicuro el jera on professore - ma, mi dica prego” -  “Noio - insiste el Mestro - volovàn  savuàr par ignonde che si va a Zamberlini e Tinazzo… silvùplè” - “ Niente di più semplice giovinotto: su a sinistra, poi subito a destra, al fosso a sinistra, al cancello stropassàtelo poi su par l’erba e vualà. Cappitto mi hai?”. “Grazie, si, no, speriamo, grazie”. “...Allora, opinando sulla ineluttabilità della fondante unità del trascendente…”. “Tusi, via da qua, par carità”. E via. ’Ndando secondo le istruzion del profeta, dopo arquante zentenare de metri el sentiero - belo, tera batù, bosco fito, fresco ecétara - el ga incrosà ’nantro bel sterato che pontava in su. Dubio, da nuovo. El Mestro, par paura de sentire oncora le pantomine del professore, el decide, alora, de tirare fora la cartina. Tuta la comission topografica, riunìa in seduta straordinaria, ghe ga tocà fare el giro de tuti i sentieri de la zona - so la carta, se intende - par regolarse sol da farse. A decìdare, però, no xe sta né el cartografo uficiale, né la comission. Xe sta el venteselo che tirava e che jera drio fare dani so la copa de Giuliano, mojo tronco. Par no sbaliàre strada, cognava assàr pèrdare la deviazion e caminare so la strada maestra. Da Vangelo.