Riva tuti, dopo che i du davanti jera za stufi de stare lì. Ma questa xe ’na cativeria. A la spiciolata, senza pressa, che no ghe ne jera de bisogno, semo rivà tuti zinque sani e salvi. Renzo, che a la matina no ’l ghea tolto la droga par la gricemìa, el staséa da dio, parché tuto el zùcaro in pi el lo ghea fumà par domare chi’a salta càncara. Tomaso el jera stratolto, ma el se lamentava solo del zenòcio destro che siolàva a ogni spedalà. Giuliano e el Mestro, rivà in veta co l’ànema sui cavaliti, i ghea za recuperà e anca ingiutìo ’na banana par tirarse suso. Solo Ciano, forse par via del polso destro     

che se gunfiava e se desgunfiava fra ’na curva e staltra, el ga sentìo el bisogno de farse ’na pera ricostituente. “El xe solo on fià de pocio zucarà, e amaro cofà el tòrsego, anca - el se ga tolto rancura a dire - a lo togo parché se desgùnfia el polso…”. Ma la sera prima, la farmacista co la barba rossa de Bosco la ghe ghea dà de la pomata, par el polso! No ’l ne ga volesto far védare la bustina che ’l ga ciucià. Par amicizia ghemo deciso a l’umanità de crédare che ’l ghesse leto male la cartina co le istruzion e che ’l ghesse capìo de doverla tore par boca, la pomata, invezze de destrnarla so ’l polso smorgà. No se rièsse a imaginarse cossa che pole fare l’amicizia!

le carte, par védare se el grupo jera so la strada justa. El dubio jera che Renzo - che tuto chel dì el se ricordava par dove passare, ma po’ no ’l saéa ben dove che ’l jera - el ghesse le idee confuse. “Te ricòrdito de sta curva?”, el ghe disea a Giuliano, ciamà senpre in causa par gnente, parché elo no ’l se ricordava de gnente. La cartina, a ogni modo, la se faséa capire benon. A jèrino so la strada justa. “Ma dovìvino passare par in corte a la Malga Volpina”, el piagnucolava Renzo, “e anca par la Rambalda…”. Drio la strada, de ’ste do malghe a ghìvino visto solo on segnaleto. “Te ricòrdito, Giuliano?”. “Na merda, ca me ricordo…”. No ’l podéa rispóndarghe difarente. El si’à ghea merità...