La matina del vintissète el xe dì de paga. Basta vardare fora dal balcon par incòrzarse che anca oncuò el xe on dì regalà dal Padreterno, a sti zinque pelegrini pieni de pecati e senza gnanca on mèrito. El brazzo de Ciano pare che ’l se gàbia justà, anca par via de la fasseta da métarse come

   Dopo ’na informazion domandà da Renzo: “se va par chì par là?”  - “passà la curva catè la deviazion par Fosse”- e fate almanco trédese curve e ’nantri quatro chilometri, no ghe xe deviazion. Altra incazzadura del cartografo, altro controlo so la carta: “Epure Fosse el esiste…”. Come par incanto al bivio dosento metri pi vanti se fà vivo on carteleto. FOSSE. Jera ora! Da lì, solo salita. El viajo pontava verso el Monte Corno Mozzo, passando par la contrà Tommasi, una dele seto, oto del posto. A tiro de on posto co do crose drio la strada, una a destra e una a sinistra, catemo on turista afezionà al paese, bon come on toco de pan, ma infastidìo dal dubio de Renzo: “me sa che Sant’Anna d’Alfaedo sia pi inportante de Fosse”, el ghe dise no savendo so qualo bresparo che ’l cacia la testa. “Gnanca e nemeno per insogno” ghe rebate intavanà

el tizio, “a Fosse ’sto ano ghe xe sta squasi zento turisti, oto pi de Sant’Ana…”. No serve contradirlo. Magnà on fià de ueta, amirà el paesajo che, so la sinistra, ne mostra el Lago de Garda, i zinque monta in sela e i parte. Ghe xe oncora parecia strada da fare par rivare al Passo Fittanze. Altro che, se ghe ne xe parecia! E tuta in salita, anca! A la Contrà Tommasi, no ghe xe gnanca on can che ghe risponda a Renzo, mandà a domandare se el sentiero che se presenta so la destra, in dissesa, el sia quelo justo. El Mestro dise de sì, co  la cartina in man che conferma. No ghe xe segnali, ma par rivare ala prossima contrà, Grole, se ga da ciapare par lì.

se la fusse on bracialeto. Ciano, a ogni modo, no ’l xe uno che se lamenta e cussì el se dise pronto a partire. Pena fora in corte, davanti a l’albergo, pronti par partire, se presenta ’na novità: on sior ne fà védare on fungo, grosso come che se vede so la fotografia, de pì de tri chili de peso. “Lycoperdon giganteum”, sentenzia el Mestro, cioè ’na Vescia gigante. On spetàcolo! ’Nantra bona rason par tacare ben la jornata. Pecà che se la magnarà i ospiti de l’Albergo Lessinia, quelo de Lino, el fradèlo del paron del Piccola Mantova che ’l xe el nostro hotel. Via, alora. Par dove?  Renzo vuole ’ndare a tuti i custi fin a Fosse, par fare su la salita che mena al Passo Fittanze. “Va ben”, risponde straltri soldadi, anca se ghe xe da fare 22 chilometri de sfalto. Par farghe on piazzere a Ciano, se decide de passare par el sentiero dove che ’l jera cascà, justo passare, dire ’na orazion, assàre on fiore sol luogo de la desgrazia a ripartire, che no se pole pèrdare tenpo. E cussì vien fato. Zo fin ai Masi passando par le solite do contrade, fasendo - elo a piè - el disseson co le foje e i sassi in mezo ai cicramini e po’ via par la sfalto. Rivare a Erbezzo el xe sta on supion, visita de òbligo. On bel paeseto, co la strada che ghe finisse drento, ’na piazetà remessa a nuovo e na cesa co du bei pòrteghi, uno par parte. Gnente visita né candela votiva.: xe sprangà. Sarà par ’nantra volta...