Zente gnente,Lessinia 2007 - spegazzi sora on viajo curto, ma belo...3Zente gnente,Casella di testo: ghe jera mile vache bianche e more che rumegava l’erba e che cagava assando dapartuto di’e “signore”, mancando de rispeto a chi passava. El tenpo tanbarava on poco, intanto, ma senza darghe mai pensiero ai tusi ch’i jera là, ingropà da chel’incanto come la prima volta du morusi. El trozo jera longo, ma ala fine, de cao de na dissesa tuta in jara, el se fermava in mezo a do paline co scrito “l’ultimo che passa ‘l sara”; on piazaleto, po’ la provinciale e po’, da staltra banda dela strada, d’i palazoti stile “me vien male”: San Giorgio, on quartiere, na porcada. I monte i pare proprio panetuni pozà par tera, e mile carezuni i li traversa tuti in longo e in largo par incrosare ogni tanto on vargoche mena so na malga, o so'n lagheto. El pare on mondo disegnà, parfeto co mile e mile vache bianche e more che co chel'erba magna e fà l'amore. ma vache, assè!Casella di testo: I cata presto strada da domare i curiduri dela compagnia, ma dopo che una dele montanare la manda el Mestro drito a ...darlo via; la ghea savesto, infati, sta “signora” quelo che ga costà la bicicreta che ‘l Mestro ga da poco trato fuora: “Mi gavarìa cronpà na machineta…” la sbota, dimostrando del corajo. Ben, fate sguelto su le tanpeline tuto el convòlio se rimete in viajo scalando, in fila indiana, le coline. Dopo chilometri de sfalto chieto s’à presentà on incrocio co ‘n sentiero che, come che disea on segnaleto, el gavarìa mostrà on percorso vero;