Lessinia 2007 - spegazzi sora on viajo curto, ma belo...2Ai Gasparise magna funghiCasella di testo: Domenega matina piove, on poco, cussì che i quatro bravi se scoraja; ma Renzo, che par questo no l’è gnoco, el dà na mustazzada ala maràja: “Se va”, el dise e risponde l’eco del ganbirlon che tien in piè ‘l locale: “Oncuò no piovarà”, ‘l ghe mete el beco, “a ghe scometo su parfin le bale.” Cussìta, incorajà da sta promessa, magnà el bendedìo che jera in tola, i bicicristi i s’a fato pressa e ale diese in broca i ghe mola de fare come Oscar e i mete in moto le ganbe sui pedai dele carete: co la cartina pronta sol zainoto i parte ala cacia dele vete. On tròdolo va su che'l xe on piazere rivando a dele case co le piere sol querto, messe zo a fare i cupi, ma grande come sugamani dupi.Casella di testo: Dopo arquante curve in provinciale i quatro ciapa su par la man zanca, on trodolo sfaltà, co dele stale che dale nostre parte le ne manca. Sui prà se vede vache dapartuto, che xe la roba mejo che ghe sia, e na natura che la varda muto anche calcun che ghesse la pivìa. La strada, streta e bela, la va chieta che gnanca Ciano ga da pantezare; anzi, ‘l se porta su la so panzeta come se’l fusse in gita in riva al mare. Ai Gaspari, on quartierin de case di’e fémene xe drio curare funghi ch’i inpenisse di’è cassele rase: i ga capele larghe e ganbi lunghi. Ai Gaspari, on quartierin de case, i quatro viajaduri ciapa base par domandare a quatro fungaroli la strada par girarghe torno ai broli.