Lessinia 2007 - spegazzi sora on viajo curto, ma belo...13Casella di testo: ...Ma, forsi, a xe mejo de contarla sta parte chì del viajo del drapelo, senò se finirìa de assarla in fondo a na piega del zarvelo. El Monte Tomba jera oncora in vista, a xe sta dito do strofete indrio, e i quatro i se ghea ocià la pista pa’ ‘ndarghe torno a chel ben de Dio; finìo chel fià de ranpa, la dissesa jerà piena de curve e buse e sassi e tuto conbinà co la sorpresa, de on sole… bon pa’ i nostri satanassi! Po’, da San Giorgio, su par ‘nantro trozo che ga menà la trupa a osservare, dal’alto de on buron, sora de on pozo, on paeseto in ...mona de so mare! Vinti minuti oncora de sterato e po’, ciapà la sfalto sempre in zoso, i nostri ga intonà l’ultimo ato de sti du dì de “tour” miracoloso! A ringraziemo Bosco Chiesanuova e la Lessinia, e tuto ‘l circondario, parché i n’à regalà on giro in prova de on posto belo assè, STRAORDINARIO”. Sto qua xe Giazza, borgheto increstonà zo so na vale pì streta che incantà, visto dai nostri dal bordo de on buron: ti te lo vidi e te senti on sgrisolon!Fotografie ghe n'è da stomegarse fate aposta par no desmentegarse, presenpio, del Carega: paradisi che no domanda altro che sorisi!In tri in crosara, lì par dire a tuti che so sti posti solo i farabuti ruina tuto. "Qua sta ben l'erbeta", a pare che la diga la vacheta... Ala prossima...