Se magnaLessinia 2007 - spegazzi sora on viajo curto, ma belo...11A Monte Castelberto a se magna e no ghe xe nissuni che se lagna anca parché la tola xe sol buron e ghe vole poco 'ndar de rugolon. Montando in piè so ' tola di'à marenda ghe xe ...sto panorama da lejénda, co l'Adese che core zo ala vale: vardèla ben, ca no ve conto bale! Se magnaCasella di testo: La deviazion la mena drito in veta del Monte Castelberto, on confeto che’l jera stabilio fusse la meta: on posto che no ga nessun difeto! De metri semo squasi a mileoto e, anca se ghe xe on bel soleselo, tira on garbinelo e ghe xe on toloto che’l serve a fare, ...cossa xe de belo?... Quelo che xe justo, cioè se magna! Difati, i quatro ga na bela lupa e no ghe xe nissuni che se lagna sibén che no ghe xe na bona supa. Sgagnà on panin e on pomo saorìo, la ghenga ga on fià fredo e alora, par digerire el pan pena finio e par far sì che ’l susio resta fuora, a vien proposto de far quatro passi pa’ ’ndare su fin a l’osservatorio (in pratica, i scavalca quatro sassi) da dove che se smincia el teritorio. On colpo al cuore, mile maravéje, na vista so la vale - da na parte - che i oci resta lì, come grapéje a stralunarse: lo disea le carte! Ghe xe on panorama da lejenda, co l’Adese che core zo ala vale: na vista che ingropa la merenda sol stomego: vardè, no conto bale… Parfin la scarpa destra de Renato, pocià ’l dì prima drento sol loame, se verze sol davanti, dito e fato, cofà na boca, quando chi’a ga fame. sol buron