Lessinia 2007 - spegazzi sora on viajo curto, ma belo...1Abasso i portapégola!Casella di testo: Pa’l sabo, vien decisa la partenza, in modo che doménega matina le bici de sta rùstega somenza le fusse pronte ’fà na cavalina. La squadra messa insieme la xe fata da Renzo, sempre in mezo a ste facende, e da Renato, el vecio del’armata, che anca elo ben el se n’intende de giri come questo, in montanbài. El terzo xe Giuliano Remistani che co te ciami a no’l manca mai e a spedalare ...no ghe xe malani! Se ga zontà, par ultimo, Luciano el Bego, grande e ...grosso comerciante che, anca se ’l ghi’n dà on fià in afano, no’l ga paura gnan’ de on elefante. Casella di testo: Partìi! Par la Lessinia, soto scoa de Oscar, che co’ ‘l parla el porta sfiga, ma che’l vol dire instesso sempre ‘a soa sibèn che torna mèjo che no’l diga! Diséa, ‘l barbiero infame, che’l vegnéa a fare sto bel giro sui Lessini, ma po’, vedendo in zielo che piovéa, el ga deciso: “No’, no go i ranpini par ranpegarme sora la jazzàra”, al solito ciapando par burasca le trace de na senplice fumara. Par elo xe na piopa anca na frasca! Cussì, messe da parte ste cazzade, s’a messo insieme on grupo fato al caso che no credéa a tute le monade e a prevision del tenpo sado-maso. Prima de partire cogna studiare le carte co le strade da ciapare, che se te sbagli on vargo là dessora a te finissi drito inti'a malora ...Anca se'l tenpo tanbarava on poco i quatro, che no i xe incalmà co l'oco, i ga deciso de partire in tronba e dopo 'n fià i 'ndasea come na bonba!