Amighi cari, so ste paginate

ve vojo ricordare de chel giro

che, in sela ale nostre bicicrete,

a ghemo fato co in corpo el sbiro.

 

Sintiendo el portapégola de turno

dovìvino finire moji trunchi

e po’,  secondo elo, sto maurno,

sarìssino finìi malà de brunchi;

 

no xe sta vero gnente, e alora

sicome ca no ghemo bu paura,

so sto libreto vien che salta fuora

che tuti quatro ghemo ‘a pele dura.

 

Chi che se mete a lèzare sto sfogo

el gavarà on’invidia di’a malora

e inti’e buele ‘l sentirà del fuogo,

sto bruto pelegrin dal porco e fuora!