|
Altre fotografie del terzo dė. Ghe ne vorėa on camio par dire quanto belo che xe sta sto giro. Beato chi che ghe jera. |
|
No se sa se Claudio riussirā a smaltire la vargogna, ma staltri sič ga dovesto prométare de no dirghe gnente a Tomaso. Promesso. Catā el ponte e la strada senza altre figuraze, el convolio se dā ala salita, ala volta de Verrucolette (che in dialeto se dise Varicocele). Galantomana, la salita, fora che l'ultimo toco par rivare ala cesa del paeseto. L'acolienza xe sta festosa. On vecioto, che nissuni ghea interogā, informa la maraja che l'aqua del posto la xe miracolosa par la prospera, ma no par el varicocele; na famejola riunia in corte informa, par boca de na tosata senza retegno, che da lė el sentiero par Cascina el xe da sbochi. "Ma noi semo forti", ghe sbrissa de dire a Oscar. "Foh", ribate la maleducata. "E anca pė vanti ghe xe del'aqua miracolosa", intervien el vecioto de prima; "Fangųlo", pensa Leonardo a ose alta, ma el jera el pensiero de tuti. Su, donca. El primo toco jera da sbochi. "Ghea rason la tosa", sbufa Renzo, za in debito de ossijeno. Fangųlo anca elo. |
|
Ma no ghe jera tanto tenpo par parlare. El sentiero jera belo e ben messo, anca se co calche busa piena de aqua. El passava in mezo a on bosco fito de castagno, int'on silenzio incredibile. Nissuni ghea pė gnente da dire, anca parché la stancheza se fasea ormai sentire. Belo, ma pien de salissendi che assava on fiā respirare - co calche disseseta - e sųito dopo ruscare, par via de strapiti curti, ma uno drio l'altro. El monte, el nostro grupo lo ghea za fato la matina, ma so staltro versante, dove che no ghe jera panorama da védare. Da sta parte de qua, inveze, l'ocio podea spaziare verso la valata in basso, prima sol lago de Gramolazzo e po' verso el Serchio alto: quando che el bosco lo permetea. On atimo de panico ga ciapā el cartografo quando che, tolta in man la guida, el ga visto scrito che tacā a on palon del'Enel bisognava girare. Qualo palon del'Enel? Nissuni lo saea, ma a Renzo ghe parea de verne visto uno. Questo ga bastā par fare passare la paura a Oscar: "Va ben par qua, Mestro", el ga dito. Lelo 'l tasea. |
|
L'ultimo toco de chel sentiero xe sta in dissesa, ormai passando in mezo ai pochi canpiti de Casciana. "Stamatina no ghemo visto la cesa", ricorda el Mestro. E via ala cesa, alora. La fontana dela matina jera oncora lė, e la cesa se vedea pė in alto. Claudio ga ciapā da scansafadighe da on grupo de scansafadighe indijeni sentā fora dal'ostaria. Intanto el Mestro, inseguio da Daniele e Renzo, ghea ciapā de peto la salita spacacuore lastricā che portava ala cesa. Ma né elo né altri xe rivā ala cesa. Xe sta lė che Renzo, inervosio dala betoniera che stropava la stradela, el ga fato finta de passarghe soto e po', senza preaviso, el ghe ga molā na zucā viliaca e punitiva. Luigino e Oscar s'ā consolā magnando la ua so la pergola del prete fin che Daniele scopria che la cesa jera on castelo. Par la delusion el grupeto, co Tomaso e el resto disinteressā a tuto, ga ciapā la strada par Piazza al Serchio, quela fata la matina in salita. Na dissesa meritā fin casa. |
|
Ala ceseta de Vitoio |
|
Renzo a Campocatino |
|
El ponte de Piazza al S. |
|
Lelo a Campocatino |
