Renzo

palpa

le zuche

dela montanara

Da Casciana, ciapando in fianco a na fontana-lavandarìa al'aperto, na dis- seseta veloce ga portà la bissa a sete teste oncora in mezo a calche canpeto, coltivà a orto. In do e do quatro i nostri riva a Cascianella, picolo e fantastico borgheto medievale, ormai quasi disabità. Visto el luogo, co le nuove indicazion del'amigo fornaro che intanto el jera rivà lì, par nantra strada, a portare el pan, el convolio riparte ala volta de Casatico, staltra meta verso le Apuane. In mezo a on canpo pena zo dala piaza Renzo ghe xe riussi de védare do zu che arancione de squasi mezo metro de diametro, tendù da na montanara e no'l ga resistio de farse fotografare co sto par de bale. Staltri lo ga savesto dopo, parché i jera za 'nda vanti. El bosco de castagni che continuava drio el sterato dopo i orti, ga durà on par de chilometri, fin ale porte de Casatico. Oncora a Cascianel

la, on ortolan genovese in ferie intento a guernare la salata el ga dà ose al Mestro: "Co' sì rivà a Casatico, no stè perdarve la ceseta de Vitoio"; "Grazie, paron, sarà fato". Da lì xe sta facile - e anca interessante - rivare so sta frazionzina, Vitoio, dove che ghe jera na ceseta de pì de mile ani. Na sposa vista sol posto, na bela dona co "do zuche inperiali " secondo l'ocio esperto de Daniele, se ga oferto de vèrzarne le porte. La ghea a man on boceta che ga

dà le so bele rispostine al Mestro che ghe carezava i caviji: "Sto pedofilo", ga sentenzià Leonardo. La ceseta jera da-vero bela, co on sofito a cassetoni de legno che ghe mancaria solo on bel restauro; che però xe sta fato al'esterno. Ben fato. Dietro-front da lì, ripassando par la parte vecia de Casatico, anca quela tuta restaurà e infiorà, e po' a capo fito int'el bosco in direzion de Roggio. Sto bosco merita na citazion

particolare, parché el jera da fola. Fortuna, parché la conpagnia, nonostante el viajo scumizià ben assè, no la parea del tuto aposto. Poco prima, infati, a Casatico, durante la fermata par fare scorta de energia, Oscar - che'l xe on osservatore coi fiochi - no'l ga podesto far de manco de notare co quanta fame che tuti magnava, in silenzio: on pero, du piri, na sbrancà de ueta, mandole, marmelatine e via discorendo. "Manco male ca no caghemo", el dise, "senò cossa altro xe ca magnarìssino...". E Luigino e Claudio, i du stitici, se ga ofeso, forse. Digo forse parché, sopratuto Luigino, 'ndando in salita so chel steratin e so chel bosco da fola, el jera muto, e muti jera Claudio e Daniele che altre volte i parlava anca col dedrio. Ma forse i jera solo incantà dala beleza del bosco. Quasi sete chilometri de silenzio e de pace. On'insogno.

Ora partenza                 9.35

Ora arivo                         18.20

Ore de sela                      4.30

Tenpo totale                   8.45

Totale Km.                      49.5

Velocuìità massima       76

Velocità media               10.6

Foradure                   SI, Lelo

Quota massima               1.200

Asfalto        %                 30

Sterato        %                 70

Piova                                NO

LA JORNATA sarìa sta memorabile instesso, ma le sorprese no jera finie. Dopo la strada fata fin lì, no se podea spetarse de mejo oncora. Pena che'l sentiero se butava sol'asfalto, xe sta ora de decidare da quale parte 'ndare, parché anca la guida no jera ciara. A ocio, a destra. Ben fato; in du minuti, girando a sinistra vizin a na casa, la nostra zente taca a 'ndar su par na stradela pavimentà co lastre de piera, streta fra muri de case dela stessa piera, tuto tirà a spago. La stradela la se diramava dapartuto e la se ranpegava de bruto verso l'alto. Fra le case se intravedea on canpanile e rivarghe

la xe sta na inpresa. Tuto on paese fato a piramide, incolà sol monte co in zima la cesa. Na pantezada colossale, ma na goduria unica. E na trajedia: verso la fine, prima de sbucare sol piazaleto dela cesa, Leonardo xe desmontà, stroncà dala prova pì grande de elo. Mai desperarse, però!

Dove che Lelo

Cede le arme