|
Donca, el drapelo parte par la zima del benedeto Amiata, che la prima cavalcada la ga da essar quela che porta a fare su la via pė bela. La sielta del cartografo de turno, a ris-cio ch'i lo ciapa par maurno, la jera de girare torno al monte par po', pė vanti, vinzarlo de fronte. La veritā, perō, la xe de dire che, za oncora prima de partire, el Mestro ghea di dubi sol sentiero che gnanca so la carta 'l parea vero. A ogni modo, fati arquanti cunti, senza paura i sete musi unti s'a messo in strada 'ndando su de bruto in zerca de aventura. Eco tuto! Purtropo ga bastā vinti minuti parché i dubi desse i primi fruti: rivā, infati, al primo incrocio a destra, dove cognava assare la via mestra, la descrizion del luogo sol libreto la jera incasinā: primo dispeto! Da lė, finiendo tuti pa' 'ndar vanti a ocio, i nostri sete sacripanti ga scumiziā el so turno de fadiga che, qua, la redazion bison chi'a diga. |
|
El bosco jera tuto arā par soto, come se fusse passā Micheloto, ma 'ndando vanti e vardando on fiā mejo i sete assi ga siolto l'ingrejo. Le ruspe che ga ridoto la tera come le bonbe in tenpo de guera le ga on par de oci, naso e pelo - de quelo usā par fare el penelo - e in pė quatro ganbe: fora dai fali, quili del luogo le ciama "Cinghiali". |
|
NO XE sta difėzile contare quelo che xe sucesso so sto giro. El difizile xe contare da che parte che parea che 'ndesse el giro e da che parte che inveze el xe 'nda. No so sa ve si spiegā... El fato xe, e jera ciaro oncora prina de partire par la Toscana, che la cartina del'APT Amiata, oltre a costare na fortuna la xe fata in modo che uno se perde seguendo la strada, parché pa' 'ndare vanti no bisogna seguire la strada dela carta, ma quela che te pare ti che la sia quela justa in mezo al bosco. In pratica, basta zernire uno d'i quatro sentieri che ogni tanto te se presenta davanti, che gnanca uno xe segnā sola carta, e ciaparlo, sperando che prima o dopo el salta fora anca sola carta e che, sol fratenpo, no te se presenta nantro "quinquivio". Na tribolazion. Poco dopo la partenza, pena tacā el bosco - par esempio - jera scrito: vista na crose, dopo quaranta metri, fato on saliton, se ciapa la strada a destra girando a sinistra so on sentiero roto. Gnanca el rajoniere jenerale del grupo Luigino Monorchio ga capio gnente: Tiziano no ne parlemo, anca parché sol posto no ghe xe casei del'autostrada. Fortuna che Tomaso no se intaressa del parcorso, senō adio Nina! La xe finia che el Podere S. Antonio no'l xe sta catā, che el Podere Cipriana lo ghemo rancurā a sinistra inveze che a destra e via discorendo. Pė vanti, varda de qua, gira de lā, zerca na scalasanta, cata na mureta, tuto xe deventā pė fazile. Co tuto questo, perō, sbaliā o no sbaliā straduolo, el posto jera on incanto. D'i albari alti come el canpanile de Suisin, tanti che jera squasi scuro sol bosco; on silenzio da fola e el sotobosco passā co na fresa da orto. Almanco, cussė parea: el segreto xe spiegā in rima qua in parte. Ma... ghe xe on ma: |
|
Rivā, in mezo a sto bosco da fola, tacā a on fajo de mile ani anunciā dala guida, el profumo s'ā de colpo canbiā in odore, fetente assč. Possibile? Teribile! Anca parché, profitando dela sosta al fajo, data l'ora, tuti jera drio magnare calcossa. Ma no Claudio... Elo, pozā la so bici al fajo, co na corsa el s'ea desperso par ricomparire dopo tri minuti, co l'aria felice e solevā e co na notizia che spiegava tuto. "Luigino, mi lo go fato. On sarpente longo cussė m'ā pena salvā da l'ingorgo. Scusč par la spuza. Ghe xe de l'uéta par mi?". Na merda! |