|
Contenti assč el dė del terzo giro e sol garaje tuti, gnan on ritiro! Co le drite de Mario, el parcorso el sarėa sta tuto 'nantro discorso: se tratava solo de 'ndarghe drio, sola carta, al segno incolorio. Sųito, la trupa la ga vu piazere de catare i resti de on podere ciamā Sant'Antonio, che za na volta la guida umana ghe la ghea tolta. Da chele parte ghe xe sta el misfato, on tiro che'l novizo, sbuderato, el ga zugā - ofesa ai soferenti! - al malandā del grupo, a Narenti! Tore pa'l zesto on omo trato in doe, che'l pedalava stando sole soe par via dela tugā ciapā so 'e coste, xe sta come robarghe on'onbra a l'oste. Che sia in autostrada che se inpara a ronpare i maruni e far cagnara? Penseve che Tiziano, par spassare el poro Renzo, intento a respirare fasendo na fadiga di'a madona el ga tacā a far finta, bruto mona, de essare na motobicicreta de quele co'a marmita maledeta. L'č sta on afronto, na ofesa grossa pa' on'omo co on pič za so la fossa par via dela tugā ciapā so'e coste. Par forza Renzo 'l ga tirā do croste! |
|
EL xe sta on piazere riussire a passarae pa'l Podere S. Antonio, che sol giro del primo dė no jera sta possibile catare data la precision dele carte. A proposito: la sera passā, l'omo del monte che ne ghea dā le indicazion par sto giro, vedendo la cartina el s'ea messo a ridare metendo al corente i sete artisti dela montabai che la jera tuta sbaliā e, co de pė, fata dodese ani fa. Robe da cavarne on pozo! A ogni modo, cartina o no cartina, stavolta el convolio xe riussio a passare par S. Antonio: ghe jera solo i resti. Par rivare lė el sentiero - vardare la fotografia - el parea ricavā so na isola d'i caraibi, par via de na zerta bela sabieta fina sol fondo e d'i albari spenotā. Passā el podere e incontrā la strada par i Pozzaroni, 'nantro resto de vecia cesura, la procession s'ā introdā so tri quatro carezuni de bosco, uno drio l'altro e uno pė belo de staltro, fra dissesa e poca pendenza. Xe sta pecā anca solo traversare la sfalto par butarse, par fortuna, so 'nantro trodo de bosco. Da lė ga tacā 'nantra volta el problema del'orientamento Pur riussiendo, co l'aiuto de on ex minatore vedovo da sič misi che in gioventų alzava on quintale co na man, a rivare so on posto ciam case Quaranta e da lė perdarse oncora fin a Saragiolo, la giunta xe 'nda in crisi. |
|
LA passienza ga on limite. El Mestro jera incazā, Giuliano jera smonā, Luigino jera intasā, Renzo indolentrā, Tomaso oncora insonā, Tiziano desperiolā e Claudio senpre incolā (a Tomaso). Se presentava na jornata calda, co na tirada da fare par rivare so sto Monte Penna del pėfaro, co la prospetiva de tornare indrio - senpre che la cartina cāncara lo parmetesse - par la stessa strada del'andata. On incubo. Riunion sola strada pena fora da Saragiolo. Che se ciava anca el Monte Penna! Par dove ca 'ndemo?, domanda Tomaso senza spetarse risposta. A destra. Se va a visitare chi du, tri paesiti che se vede sparpajā da chi'a parte so le coline. El xe sta on trasferimento soto tono, on fiā parché la strada jera traficā, on fiā parché no ghe jera na meta precisa e on fiā parché Luigino, par via dela vasca biologica oncora da spurgare, el jera de cativo umore. Jera torno mezodė quando che la colona xe rivā a Santa Fiora, dopo oto chilometri de dissesa che no assava ben sperare par el rientro. El posto, perō, jera ai pič del'Amiata e questo, inveze, assava ben sperare. Ghe volea calcossa par darghe na scorlada al malcontento. No se ga pensā de mejo - ma la xe ta na idea folgorante de Renzo - che fare on gireto in sela par le viete del centro storico, belo assč, tuto tirā a spago. E po' supa! |
