On zorno de caligo
de Pier Giuseppe CÚvese

torna indrio

La vita, cossa xela, cari amizi?
On zorno de caligo e pien de fote,
de speranze, dolori e de caprizi,
co 'l se s-ciara el te ciava: xe za note.

La vita xe 'na rua, Cristo beato!
Laorar, sidiarse assŔ pezo de on mulo
par mÚtar la menestra in tel gargato
e al zorno drio far ronzinare el culo.

E varda 'l tempo come asguelto 'l passa
che 'l par che 'l vada sempre in bicicreta
e ti te ghe vŔ drio a no 'l te lassa
che on tabaro de legno e 'na croseta.

Ma pare jeri co' se anava a scola!
La Lussia, la Catina, Menegheto,
Gigio, la Tilde, Marco, la Fabiola,
so fiolo del corsore e l'Anzoleto.

Jerimo osei da gnaro, spenotÓ!
Ma on bel zorno le tose, porcodiona,
do tete in pieto le ga muciÓ,
le ga fato culate e la barbona
dal dito al fato le se ga catÓ.

Noantri tosati, inveze, ghemo bio
un bel toco de tempo da spetare
par capir che on bisato rifinio
no 'l serve solo e basta par pissare.

Ah! ma le tose che splandori rari
che le jera, a maurÓndose, vegnue!
Da imbriagarse a vardarle, fioli cari!
Ganasse bianche e rosse fa le pue,
gambe tornie parfete fin su in zima;
tete gajarde e dure fa 'l cimento,
culi! che culi, che materia prima!
da morirghe par sora, santamento!

Dal resto, anca la Zanze, la me dona,
la ghea on culo che 'l jera na fortezza,
la ghea un muso finio fa 'na Madona,
do tete da regina de beleza.

E adesso? adesso varda che caecio!
la me pare un spaurazzo par i osei
co' xe in fine stajon, che vegnuo vecio,
fora dal culo 'l perde anca i buei.

La mesura del tempo, cara zente,
la festa, a Messa prima, mi la cato,
porca la vaca, co' me passa a rente
sinque, sie vecie brute fa 'l pecato.

Chi xele! xele lore, xei angagni,
xei vermi de la tera, xei peoci?
le ga 'l culo che strussia sui calcagni
e i botoni dei pieti sui zenoci.

E pur, tosati, le xe proprio lore:
la Tilde, la Catina, la Fabiola,
la Lussia, povarete dal Segnore!
Me pare jeri co' se anava a Scola!
Destin cussý: 'na rua, vaca so mare!
Te parti toro e te te cati b˛;
el bisato te serve par pissare,
resta la voja, ma la forza no.

E le ride ste vecie despossente
e par farme dispeto e farme rabia,
le me dise: compare, ve ocor gnente?
e le insegna col deo l'oselo in gabia.

La vita cossa xela? dime Toni.
La xe on fis-cio, on supi˛n, la xe un s-ciantiso
che te basta par rompare i cojoni,
par farte presto deventare griso.
I discore la zente dei piazeri,
de le zoje e delizie dela vita;
no go bio che pissieri su pissieri
e mona son restÓ co fa 'na pita.

Va ben, capisso, i fioi, vegnui dal core,
chi, cazzo, no diria che i xe piazeri?
ma anca lori, per˛, che se discore,
qualche volta i te carga de pissieri.
Prima i xe sempre in coste a ti e a so mare,
in gaia, tacÓ al colo, su pai brazzi,
po' i vien casa par l'ora de magnare,
po' i sparisse, ciao bela e tanti cazzi!

La femena la pianze desperada;
no la capisse, santamento, un figo:
no la intende che ognun ga la so strada
par pŔrdarse in sto zorno de caligo!