pag. 1  pag. 2  pag. 3  pag. 4  pag. 5 

          

    Tomaso se ne incorze de vere oncora indosso le braghe dela tuta e dovendo cavarsele, el aprofita dela sosta par vŔrzare la cÓnola e molare el pocio che lo sgionfa.
   
Manovra nuova: el pissarolo el vien passÓ par soto la braga sinistra, rodolÓ aposta verso l'alto, e po' tirÓ in vanti parchÚ no se bronba le scarpe.
   
Sucesso fulminante, tanto che anca Oscar e Renato, confessando che no i jera pý boni de tegnerse, i se prova a fare come staltro, ma co manco bravura.
   
Oscar se inventa na variante: el lo fa dala parte destra.
   
A Renzo no ghe scanpa.   

    "Ca magnemo on pometo?"
   
Si.
   
La consumazion ghe piase anca a Renzo, che'l spera so l'efeto purga del pomo, visto che el Chi-Kung no ga fato on gran che.
   
A sfrutemo el tempo par butare l'ocio zo, so la vale fonda e streta che ne sta soto, dove che se vede on presepieto de casete ingrumÓ torno a na ceseta.
   
"MovÚmose, par piazere", piagnucola Oscar vardando in alto, anca se ormai el cielo xe za squasi tuto celeste.
   
Riprendemo a scalare la strada che la va drento e fora dal bosco.
   
Finisse el bosco e la strada la traversa on prÓ; intanto in alto se vede quelo che resta del forte, almanco ne parea.

    El tenpo xe on spetacolo e tuto el resto anca.             
   
Tenperatura anbiente.
   
El Mestro ga fame, ma Renzo dÓ ordene che no se magna prima de on boto.
   
Tuti d'acordo ?
   
No, ma intanto no se magna.
   
Rivemo soto i veci muri che se vedea da soto, ma no'l xe el forte: quelo xe poco pý vanti e questo jera l'alojo d'i ufiziali strongÓrici.
   
Oscar cacia on zigo: na marea de lampuni, russi e fati, pronti da magnare.
   
Scorpaciata: ne magnemo na spanzÓ paron e dopo se rimetemo in sela fin al forte.       
   
Dirghe a Renzo che i lampuni i xe astringenti la xe sta na carognada.
   

    FORTE DOSSO DEL SOMMO, a m 1.670 de alteza de montagna.

    Na bestia! Chilometri cubi de cemento, muciÓ dai StrongÓrici oncora prima dela prima guera, prima che i Taliani i rivesse prima de ili...
   
Ghemo fato ben a farghe guera a sti malgualivi malfidenti.
   
Xe on boto passÓ, magnemo e po' montemo a cavalo verso staltro forte, che da qua el se vede.
   
Ghe xe on sentiereto tremendo, na scalinÓ strongÓrica co na scaneladura par la bicicreta e po' na dissesa da sbalo, co on stapionbo par parte, larga ma bruta da vÚdare.
   
Renzo se buta, el Mestro ghe prova a piŔ, Oscar no vole savÚrghene e Tomaso fa come Renato.
   
Ma la xe curta e la porta subito in strada, vizin al Bus de la Nef dele Coe.
   
Dopo gnanca zinque minuti rivemo al FORTE SOMMO ALTO, nantra ˛para de prima dela guera, fata in vista dela guera, a 1.613 m.  
   
Questo se pole visitare e lo visitemo, anca se el tenpo no xe pi belo come prima: tira na bava che taja le recie.
   
Renzo jura che sarÓ bel tempo fin a vŔnare.
   
El Mestro jura che no piovarÓ prima dele zinque.
   
Oscar jura che bisogna far presto par no catarse in mezo a on tenporale.
   
A Tomaso no ghe ne frega gnente e 'l se vestisse mejo.  

    Visitemo el forte e po' se butemo in dissesa so nantro carezon de montagna che'l se tufa subito in mezo al bosco. Renzo core vanti, come al solito, ma par fortuna ghe xe Tomaso che tira indrio, cussý la va a finire ca sbagliemo strada e rivemo al Passo del Sommo inveze che al  Forte Cherle.
   
Come dire Stanghela inveze de Calaon.
   
Oscar xe deciso a ndare a casa (albergo, n.d.r.), senpre par l'idea dela piova.
   
Gnente paura: na ociada ala cartina e catemo subito nantra strada. Oscar se adegua.  

                                   A sto mondo bisogna desperarse, inrabiarse o adatarse

    "A queste dovývino rivarghe", dise Renzo co filosofia.
   
'Ndemo su par 3 Km. drio la sfalto e po' ciapemo na salita cÓncara, in mezo a on bosco belo che mai.
   
No ghe xe pý segnali e cussý ne toca 'ndare a naso, sperando che la cartina ca tiremo drento e fora dal zaino de Oscar la ne juta.

   
La ne juta!
   
Dopo na dissesa spetacolare in mezo a nantro bosco senpre pý salvadego, rivemo sui ruinazzi de on vecio ospedale militare strongÓrico.
   
Da lý, na scalinÓ streta e longa che no se ne vede la fine la va zo fin la strada (la scalinata dell'Imperatore, cosideta).
   
Noantri 'ndemo zo par el sentiero e, traversÓ la strada sfaltÓ, ciapemo su par nantro sterato, fin al FORTE CHERLE  ( 1.445 m. ).    

    On tafanario enorme, anca questo, squasi intato, pien de busi retangolari par le mitrÓlie, che ti no te le vedivi e ele te copava.
   
MagnÓ e spanto aqua, zerchemo el sentiero del ritorno par quasi mez'ora, ma gnente da fare: manca segnali e la cartina no parla.                                                                                                           

                                                        Carta canta e vilan dorme

     Xe ormai le 4 e tri quarti, el tenpo tÓnbara e Oscar el sta sui spini:
   
"Xe ora ca 'ndemo casa, no vedý che Tomaso xe coto?"
   
Anca staltri.
   
Partiemo, dopo verse portÓ sola strada sfaltÓ, quela che vien zo da no saemo ben dove, e in gnanca diese minuti e 7 Km. a semo al Passo del Sommo.
   
Se fermemo a tirare el fiÓ e spetarse tuti, davanti ala ceseta del Santo "protettore dei Forestali".
   
Ale zinque in broca la pelada de Renzo sente na joza. Oscar do:
   
"Lo ghea dito, mi", gongola el Mestro.                                                                             

                                             Santi che pissa in tera no ghe n'Ŕ...

                     Alora la xe piova.
                    
Via de corsa a Folgaria. Tri minuti, gnanca.
                    
No piove pý, ma ghemo fato instesso 50,930 Km.

                    
Le bicicrete e le ganbe le xe sporche pý de boazze che de altro, ma semo contenti come dele pasque.

                     E ghemo fame, ma par quela bisogna spetare le 19.30, par ˛rdene del cuogo.
                     Par mazare el tenpo 'ndemo a Rovereto in machina, dopo la docia se intende.

                     El Mestro ga bisogno de scarpe.

                                                                                                                                                  Torna su...